Seglas Skulebas veke 39

Måndag 21.september legg vårt eige opplæringsfartøy, MS Skulebas, frå kai og reiser på seglas i regionen vår. I løpet av seglasen skal vi innom mange hamner, og i kvar hamn ønsker vi å invitere både elevar, føresette og innbyggjarane elles velkomen om bord på Ope skip. Her møter besøkande både elevar og lærarar som vil gi omvising på det flotte skipet vårt, i tillegg til å dele informasjon om skulen sitt mangfaldige tilbod.

Størsteparten av mannskapet om bord er elevar på Vg1 Teknologi- og industrifag. For fyrste gong skal Vg1-elevane ha delar av den praktiske opplæringa si om bord på Skulebas. Dei tre klassene på skulen har kvar si veke på seglas, der målet er at dei på ekte vis skal få erfaring med livet på sjøen og få djupare innsikt i yrker innan maritime fag. Samstundes vil elevane kunne dele av sine kunnskapar og erfaringar. Dei vil fortelje om korleis skulekvardagen er, kva moglegheiter dei har for vidare utdanning og yrkesliv, og ikkje minst korleis det er å vere elev ved Måløy vidaregåande skule.

På dagtid vil vi ynskje 10. klasse og elevar på vidaregåande skule velkomen om bord, og på kveldstid held vi opent for alle som måtte ønsker det.

Seglasplan TIF veke 39 – rekrutteringstur vidaregåande og ungdomsskular

Dato og dag	Tidspunkt	Beskriving	Distanse og reisetid	Kommentarar
Måndag 21. sept.	08:30	Elevane om bord for brann og mønstringsøving (introduksjon må vere gjennomgått tidlegare)
	10:00	Avgang Tennebø for Måløy	87 nm / 9 timar
	19:00	Framkomst Høyanger
	20:00	Opent skip Høyanger
Tysdag 22. sept.	10:00	Invitere ungdomsskule
	12:00	Invitere vidaregåande skule
	14:00	Avgang Høyanger for Askvoll	45 nm / 5,0 timar
	19:00	Framkomst Askvoll
	20:00	Opent skip Askvoll
Onsdag 23. sept.	10:00	Invitere ungdomsskular
	12:00	Invitere vidaregåande skular
	14:00	Avgang Askvoll for Førde	35 nm / 4,5 timar
	18:30	Framkomst Førde
	20:00	Opent skip Førde
Torsdag 24. sept.	10:00	Invitere ungdomskular
	13:00	Invitere vidaregåande skular
	15:00	Avgang Førde for Florø	33 nm / 3,0 timar
	18:00	Framkomst Florø
	19:00	Opent skip Florø
Fredag 25. sept.	09:00	Invitere ungdomsskule
	09:45	Invitere vidaregåande skule
	10:30	Avgang Florø for Tennebø + nedvask undervegs.	27 nm / 3,0 timar
	13:30	Framkomst skulen
	13:30	Nedvask av Skulebas