Fagskulen i Måløy tilbyr 2-årig skipsoffisersutdanning, nautisk og skipsteknisk linje. Utdanninga gir fagkompetanse som dekksoffiser (nautisk) eller maskinoffiser (skipsteknisk).
Studentane ved fagskulen får utdanning på leiarnivå, og får all den teorien som trengst for å løyse sertifikat på høgste nivå (etter STCW-95-konvensjonen).
 Skulen flytta hausten 2005 inn i nytt, tidsmessig undervisningsbygg med mellom anna moderne undervisningsrom, ny navigasjonssimulator og kommunikasjonsrom. Studiet er godkjend av Sjøfartsdirektoratet, NOKUT (Nasjonalt organ for kvalitet i utdanningen) og sertifisert av Det Norske Veritas.
NUTF (Nasjonalt Utvalg for Teknisk Fagskole) har godkjent nye fagplaner for skipsoffiserutdanninga, der opplæringa blir gitt på to nivå, operativt nivå og leiarnivå, som dekkjer maskinoffisersertifikat klasse 4, 3, 2 og 1 eller dekksoffisersertifikat klasse 5, 4, 3, 2 og 1.
DRA TIL SJØS! SØKNAD OM OPPTAK:
Det generelle kravet for opptak til 2-årig
fagskule er:
a) fullført og greidd vidaregåande opp- læring med fagbrev/sveinebrev..
b) minst 5 års relevant praksis uten
fagbrev, og med realkompetanse i
felles allmenne fag tilsvarande lære-
planane i GK og VKI i yrkesf. studier.
c) søkjarar som kan dokumentere at dei
skal gjennomføre fag-/sveineprøve
etter opptaksfristen.
Spesielle opptakskrav:
Søkjarar til maritim utdanning må dokumentere greidd grunnleggande sikkerheitsopplæring (IMO60).
Nytt i høve til tidlegare - Studentane for større ansvar for eiga læring
- Studiekompetansen (allmenfaga) fell bort, mens fleire allmenfag blir støttefag i dei nye utdanningsløpa
- Dagleg timefråvær skal noterast, men ikkje registrerast.
- Nye arbeidskrav vil krevje at studentane leverer arbeid til fastsette fristar
- Det vil bli mogleg å slutte etter eitt år med teoretsk kompetanse til å søkje lavare maritime sertifikat (D4 eller M4)
Mål og innhald i studiet Målet for utdanninga byggjer på krav til kompetanse, kunnskap og forståing, haldningar og dugleik, slik det er definert i STCW78 med seinare endringar; Tabell A-II/I og AII/2 (nautisk) og Tabell A-III/I og A-III/2 (skipsteknisk). Derfor er det STCW78 som er styrande for innhaldet i studiet. Krava i STCW-konvensjonen er delt inn i 2 nivå: operativt nivå D4/M4 og leiarnivå D3/D1 og M3/M1. Då det generelt er lita interesse for D3/M3 sertifikat, konsentrerer skulen, av markedsmessige årsaker, seg om 2 sertifikat; D4 og D1 og M4 og M1. Utdanninga omfattar 4 studieeiningar, kvar på eit halvt år, er inndelt i 2 sertifikatnivå: 1. og 2. studieeining: Klasse 4 (D4/M4): Operativt nivå 3. og 4. studieeining: Klasse 1 (D1/M1): Leiarnivå. Studiet har eit omfang på 120 fagskulepoeng med slik fordeling: | Reiskapsfag: Kommunikasjon: min. Norsk og engelsk Realfag: min.
Matematikk og fysikk | 12 fagskulepoeng 10 fagskolepoeng | | LØM-fag: Leiing, økonomi og marknadsf. | 14 fagskulepoeng | | Linjefag for fordjuping : max. | 78 fagskulepoeng | | Hovudprosjekt: min. | 6 fagskulepoeng | | Totalt | 120 fagskulepoeng |
(sjå nautiske fag og skipsteknisk drift) Rettleiande innhald er beskrive i IMO modellkurs 7.03/7.04 (operativt nivå) og 7.01/7.02 (leiarnivå). Utdanninga er modulstrukturert og til kvar modul er det beskrive arbeidskrav. Dokumentasjonen av desse krava blir samla i ei mappe for kvar student og skal danne grunnlag for mappevurdering. I samband med mappevurdering nyttar vi vår felles lærings-plattform: ClasFronter. I fagskulen nytter ein bokstavkarakterar frå A til F der A er høgste og E lavaste karakter som sertifikatkrav.
Les meir om skulen og studiet i vår Informasjonshandbok
Maritim utdanning ved Fagskulen i Måløy blir kvalitetssikra gjennom skulen sitt kvalitetssystem, som er sertifisert av Det Norske Veritas etter reglane om sertifisering av maritime akademier (Rules for the Certification of Maritime Academies) med bakgrunn i krav frå Sjøfartsdirektoratet og IMO. Deltidstilbod Fagskulen legg til rette for fleksible og studentaktive læringsformer, bl.a. er det høve til å søkje opptak som deltidsstudent. Studentar som tek studiet på deltid får tilbod om opplæring i høve til turnus hos arbeidsgjevar. Avtaler om praktisk opplæring blir utarbeidd i samarbeid med skulen, den enkelte student og arbeidsgjevar. Aktuelle element i planlegginga av studiet: - Individuell tilpassing
- Samordning av fagmodular
- Tidsplanlegging
- Oppmøte og samlingar
- Fordjuping og prosjektarbeid
- Behov for opplæring i IKT
- Kvalitetssikring
Deltidstilbod blir i regelen fordelt ut over ein periode på tre til fire år. Sertifikatkrav:
Opplæringa dekkjer kravet til teori for dei høgste maritime sertifikata i løpet av opplæringa, i høve til den internasjonale konvensjonen om normer for opplæring, sertifikat og vakthald for sjøfolk (STCW). Ein gjer derfor merksam på dei tilleggskrav om teori, praksis/fartstid, helse og vandel som gjeld for å løyse sertifikat.
Søknad:
Det er Rogaland fylkeskommune som har ansvar for det nasjonale opptaket til fagskulane. Dersom du er interessert i å ta heile eller av deler av studiet på deltid, tar du direkte kontakt med skulen.
Her finn du søknadsskjema, men du skal helst søkje fagskulen elektronisk på www.vigo.no. Meir informasjon finn du i Fagskulekatalogen.
|
