Alle skulens elevar var samla i Samfunnshallen til ei tretimarsøkt i regi av  Nils-Petter Hauge og Hildegunn Støve frå fylkesavdelinga til LEVE.  Dei heldt  førelesing om korleis ein kan takle situasjonen som oppstår når nokon  i familie eller venekrins vel å avslutte livet sjølv. Ramma rundt føremiddagen var veldig fin, med flott musikk ved Jørn Kvalheim og Kristoffer Refvik, og helsesøster Turid Blålid som informerte om hjelpetilbod i  Vågsøy. Kva gjer vi når nokon seier oss at livet er vanskeleg, kven kan vi støtte oss til? Nils-Petter Hauge sa at ein person  sjeldan  vil dø, men at han/ho ikkje ser nokon moglegheit for å leve, slik situasjonen er der og då.  Som ven, kollega eller nabo er det då viktig at vi bryr oss, og maktar å vere der for den personen. Men ein kan ikkje vere åleine om det!  I ein slik situasjon må ein hente inn hjelp, t.d.  frå ein lege, for det er viktig at personen får hjelp! Vi skal ikkje love å ikkje seie det til nokon, men heller få vite om  kven  vedkommande har tillitt til, og ta kontakt med den personen/instansen  i lag.Dette gjeld ikkje berre ved sjølvmordstankar , men i  alle dei  vanskelige situasjonar/kriser vi kan komme opp i, og då er det viktig at vi bryr oss, at vi er ein ven i tjukt og tynt.  Hildegunn Støve avslutta med følgjande dikt, skrive av ……………

Livet er som ein skuledag,med sorg og glede som hovudfag. I gledens time er det best å vere,men i sorgens time har vi mest å lære.

Tekst og bilde: Geda Boer