Frå 2. til og med 6. time var det full aktivitet i Nordfjordhallen. Det vart avvikla turnering i fotball og volleyball for jenter og gutar, og i tillegg var det dans i Samfunnshallen, der det deltok mange, i hovudsak jenter.

Turneringa gjekk heilt etter planen, og kroppsøvingslærarane Ola Hove og Liv Randi Myhre skal ha mykje ros for å ha hatt hovudansvaret for planlegging og gjennomføring. Vi reknar med det blir ny turnering om eit års tid.

Finalane i alle klassar vart spennande, det var lite som skilde laga. I jenter fotball vart resultatet mellom 3STA og 3PÅA 4-5 etter straffesparkkonkurranse, medan i finalen for gutar vann 3STA 1-0 over 2FFA/2AKA.

Jentene frå 3PÅA vann også ein spennande volleyballfinale mot 2STA, der resultatet vart 15-14. Gutane frå klasse 2MAA slo gutane frå 3STA knepent med 11-10. 

I tråd med retningslinjer for god folkehelse var premien til dei sigrande laga ei kasse klementinar .

Tekst og bilde: Stig Helge Johannessen